توضيح للطلبة المغاربة اللي بغاو اقراو في الجامعة إيطاليا

السلام عليكم

راه حيت انتَ وانتِ خاصكم ضروري تكون عندكم الفيزا باش تدخلو لإيطاليا، فراه ضروري تحطو الطلب ديال التسجيل في بوابة

www.universitaly.it

حيت هذا الموقع كيلعب دور القنصليات اللي من قبل كنت إلا بغيتي تقرا في إيطاليا كان خاصك تدفع الطلب للقنصلية وهما كيصيفطوه للجامعة اللي اختاريتي و من بعد فاش الجامعة كاتقبلك كتعيط ليك  القنصلية و كاتقول ليك وجد ضوسي ديال الفيزا

دابا حيت كاينة هاد الحالة ديال كوفيد 19 وباش مايمشي حتى شي حد للقنصليات والله احفظ اطرى مشكل صحي، من يوليوز 2020 ولا الطلبة اللي ضروري تكون عندهم الفيزا ادوزو من

universitaly

هذا السيت كيتكلف ومنو كيسيفط الطلب ديالك للجامعة اللي ختاريتي. وفاش كاتوافق عليك الجامعة كيصيفطو ليك رسالة القبول اللي كاتصورها و كاتديها ل

TLS contact (Rabat o Casablanca)

باش تدير طلب الفيزا

 فاش كاتخرج لك الفيزا كايعطيوك الباسبور ديالك  والضوسي ديالك وفيه واحد الوثيقة

Dichiarazione di Valore

اللي خاصك تديها معاك لإيطاليا و تديها للجامعة الضوسي كامل